[pukhto]
د عمرانياتو پوهانو لومړيتوبونو ته په کتو، د هغو پنځو اساسي اړتياوو فهرست تيار کړی چې د انسان په ژوند کې هغه ته د څه کولو مواقع برابروي. هر انسان د خپلو همدې اړتياوو په پام کې نيولو سر د خپل مسلکي ژوند لپاره تګلاره جوړوي:
۱- طبعي/ جسماني اړتياوې:
په دې کې خوراک څښاک، جامې او د اوسېدو ځای شامل دي. تر هغې چې دا اړتياوې نه وي پوره شوي، بل هيڅ شی انسان کار کولو او مخکې تلو ته نشي متحرک کولای.
۲- امنيت
له وېرې، زيان او د سر له خطرې امن، له دندې يا روزګار نه د محرومۍ او د جايداد، خوراک څښاک او جامو د محرومۍ له وېرې امن د انسان خورا اساسي اړتيا بلل کېږي. د همدې اړتيا د پوره کولو لپاره انسان کار کولو ته تيارېږي.
۳-د ټولنې اړتيا
ګډ اوسېدل د انسان فطرت دی، د ګډ اوسېدو او له يوه بل سره په شريکه ژوند تېرولو لپاره ضروري ده چې د يوه بل حقوق اداء کړای شي، د دې حقوقو اداء کولو ټولنيزه اړتيا ده .
۴-داخلي احساسات
د پورتنيو اړتياوو تر پوره کيدو وروسته په انسان کې د قوت، عزت او اعتماد احساس پيدا کېږي.د احساسات انسان ته د زړه خوښي او ډاډ وربښي چې دا دوه شيان بيا د کامياب ژوند لپاره ډير زيات ضروري دي.
۵-د پرمختګ هيله
يوه ځانګړي مقام ته د رسيدو وروسته د انسان فطري غوښتنه د لا نور پرمختګ هيله کوي، د پرمختګ همدا احساس د ژوند د کارخانې د ښکلاوو راز او اساس دی.

[/pukhto]