[pukhto]

دنده په ښکاره اسانه او روښانه کلیمه ده، خو پرې پوهېدل، اخیستل او تر سره کول یې سخت دي.

که دنده په سمه توګه وپېژنو، معلومه به شي چې دنده یعنې مسولیت منل.

مسولیت د دندې دوهم نوم دی، اوس دا ویل سخت شو چې څوک دې یو مسولیت یا یوه دنده ولري، هر چاته ډېرې دندې ورکړل شوي.

  دندې یا مسولیتونه د ژوند د پړاونو پورې تړلې وي.کېدای شي هر نوی پړاو موږ ته نوې دنده راوسپاري.

د بېلګې په توګه له واد ه کولو سره ځوان هغه دندې ترسره کوي چې مخکې یې نه  وي کړي، د کور ټولواک  تل په کور کې هر څه ته ځېر وي، دوکاندار  په ورین تندي او مسکا مشتریان   راماتوي او داسې هره دنده چې چاته سپارل کېږي ، لازمي ده چې هغه به یې  مخ ته وړو کې  هڅه کوي.

کورنۍ او ټولنیزې دندې یو له بل سره تړلي دي، ځکه ټولنه کورنیو تشکیل کړې ده او د دندې سرچینه  هم له کوره اخیستل شوې ده.

ماشوم په کورنۍ کې واړه مسولیتونه په مینه ترسره کوي، د لوی دندې په غاړه اخیستل او تر سره کول د ځوانۍ پړاو دی.

د ټولنې سترګې تل ځوانانو ته وي، هر ځوان دا ظرفیت لري چې د ښه کار کولو نوښت وکړي، خو که هغه دې پړاو ته تر رسېدو مخکې څه  کوچنۍ دندې ترسره

کړې وي، روزنه یې داسې شوې وي چې د دندې په مخ ته وړو  او پېژندو کې بریالی اوسي.

که په خپله ټولنه کې د ماشوم پالنې او روزنې اړخ ته وګورو پوهېږو چې هغسې روزنه نه و

رکول کېږي چې دنده په سمه معنی وپېژني او پر مخ یې یوسي.

دوی  چې ځوانۍ ته له مسولیت پېژندلو پرته رسېږي نو څه به کوي؟

  یواځې دنده  پېژندل او اخیستل مهم نه دي، ډېر داسې خلک دي چې دنده پېژني، اخیستی یې شي خو ترسره کولای یې نه شي.

[/pukhto]