آيا پوهېږئ! چې د ژوند مقصد څه دی؟ ولې بايد هدف لرونکی ژوند وکړو؟ ژوند يو اوږد سفر دی، مګر مونږ بايد د مزل وهلو لپاره يو پلان ولرو.
د ژوند موخه څه ده؟
کېدای شي چې دا جمله درته خوندوره نه وي، د دې جملې مقصد دا دی، هر کس ژوند کې موخې ته رسېدای شي، خو چې د ټاکلې لارې په مزل پوه شي، زياتره کسان په خپل ژوند کې هدف نه لري، له نا اميدۍ سره مخ وي، هر کس په ژوند کې مختلفې موخې لري.
ځينې هېڅ په ژوند کې هدف نه لري او د ژوند په مانا نه پوهېږي، غواړې ځانته کور واخلې، پيسې وګټې او نور… خو د دې د لاسته راوړلو لپاره هڅه او زيار کوي، همدغسې ژوند هم دی، چې هڅه او کوشش وکړې نو په موخه به يې پوه شی.
د هدف نه لرل
ځينې خلک بغېر له هدفه د ژوند پړاوونه وهي، دا له دې امله چې دوی په ژوند کې موخه نه وي ټاکلي، د زياتره خلکو د هدف په لرلو سر نه خلاصېږي او اصلاً هېڅ نه پوهېږي چې هدف څه شی دی؟
کېدای شي دغسې خلک زياتره د لويو کورنيو وي، ځکه چې دوی د دنيا او پيسو په خوندونو کې
ډوب دي او د ژوند مقصد ترې بيخي هېر شوی دی.
د هدف د تعينولو مراحل:
۱- په دقيقه توګه ځان پوه کړئ چې ژوند له تاسې څه غواړي:
۱- په راتلونکي کې
۲- کورنۍ
۳- روغتيا
۴- پاکه شتمني
۲- وليکه!
ستاسې اهداف بايد وليکل شي، دغه موخې بايد واضح وي.
۳- وخت وټاکه!
که چيرته ستاسې هدف لوی وي، تقسيم اوقات جوړ کړه.
۴- خنډونه وپېژنه!
ولې تر اوسه پورې خپل مقصد ته نه يې رسيدلی؟
۵- هغه کسان چې تا سره هدف ته رسېدلو کې مرسته کولای شي، وپېژنه.
۶- ټول هغه کارونه چې تا سره د کاميابۍ لاسته راوړلو کې مرسته کوي، نوټ کړه.
۷- پلان ولره!
۸- د ورځې مهم کارونه په ياد ولره.
۹- منظم اوسه!