اوښ مرغه د نړۍ تر ټولو الوتونکو ستر او قوي ژوندی مرغه دی، چې د هګیو وزن او جسامت يې هم له نورو مرغانو سره توپیر لري. دغه مرغان الوتونکي دي، خو الوتلی نه شي او د آفریقا په مختلفو سیمو کې څلور نوعې يې پیژندل شوي دي.
د نر اوښ مرغه جګوالی ۲.۵ متره او وزن يې تر ۱۵۵ کیلو ګرام پورې دی، ګامونه يې آن تر ۴.۵ مترو پورې رسېږي او په یو ساعت کې تر ۶۴ کیلو متر سرعت لري. په خپو کې دوه قوي پنجې لري. قوي سترګې او تیزه لیدنه کولای شي.
زمریان او نور ښکاریان ژوي دوی دومره زیات نه خوښوي، ځکه چې دوی قوي پښې لري او د ښکار په وخت کې قوي لغتې وهي، کله کله له خپلې ستوني څخه په جګ آواز آرنډ هم غږوي.
د دوی خواړه حشرات، دانه باب او سبزیجات بلل کېږي. په ډله ایيز توګه ژوند لري، آن کله کله د ګوره خر، مېښو او نورو څارويو سره یو ځای هم څرېږي. د دوی ډله د ۵ قطعیو څخه زیات چې ممکن تر ۵۰ قطعیو پورې وي ګډ ژوند کوي.
د اوښ مرغه د غوښې څخه د پروتيني منبع په حیث ګټه اخستل کېږي، ځکه د دوی غوښه د کم کلسترول درلودونکی ده او زیاتره خلک د غوړو غوښو څخه ډډه کوي. له پوست، نوکان، غوړو، بڼکو څخه يې په صنعت کې خورا زیاته استفاده کېږي. د اوښ مرغه هګۍ هم د خوراک وړ ده آن له مغز څخه يې د الزایمر ناروغې په رغونه کې هم استفاده کېږي.
دغه مرغان خلک اهلي کولای شي، د دوی سر او غاړه ویښته یا بڼکۍ نه لري. ښځينه اوښ مرغه یا شتر مرغ په یوه هګیو اچولو دوره کې د ۱۴-۲۱ پورې هګۍ ورکوي او وزن يې آن تر دوه کیلو هم رسیدای شي په همدغه دوره کې چې دوی هګۍ ورکوي ډیره غوسه وي او د تهدید په وخت کې قوي لغتې وهي.