ژوند ولې کوو او د څه لپاره یې باید وکړو؟
دا نو بیا داسې پوښتنه ده چې تاسې ځان ته راجذبوي او یو ټکان درکوي؛ تر څو تاسې د خپل ژوند په ارزښت پوه شئ.
مونږ ته ژوند کول په دنیا کې نصیب شوی دی او بیا د یو اشرف المخلوق په حيث، مونږ ته دا ویاړ رابښل شوی دی.
مونږ زیاتره ژوند کوو؛ خو د ژوند په طریقه نه، دا ځکه چې د خپل چاپيریال اړوند خیال نه ساتو حیوانات خو پرېږده چې حتی انسانانو ته هم په اړوند احترام قایل نه یوو، تر دې حده چې د یو چا ښه والی نه شو زغملی، د یو چا ضرورت نه شو پوره کولی.
نور هم پرمختګ ته نه پرېږدو او خپله هم بدلون نه شو کولای.
نو که د ژوند په ارزښت پوهېدل غواړې ته یو ځل انسان پرېږده، حیوان ته هم په احترام قایل اوسه! ټولو دینونو، مذهبونو، ادیانو او په چاپيریال کې شته موجوداتو ته په درنه سترگه وګوره.
د خلکو زړونه ورغوه، انسانان او حیوانات خوشاله وساته، انسان پرسته شه، زړه کې ترحم پيداکړه، وحشت مه کوه، دوه ورځې دنیا ده په خوشالۍ سره یې تېره کړه او نور هم خوشالۍ ته راوبوله.