[pukhto]
رحیم الله او فیاض د اداره او تجارت پوهنځي څخه تر فراغت وروسته په یوه تجارتي کمپنۍ کې دنده واخسته او دواړو ډیر سخت کار شروع کړ، له څو کالو وروسته رئیس رحیم الله ته ترفیع ورکړه، رحیم د پلورلو مدیر او فیاض هماغسې عادي کارمند پاتې شو. فیاض نور صبر ونشو کړی رئیس ته یې استعفا لیک ولیکلو او دلایل یې ورته دا ولیکل چې ستا په اداره کې سخت کار او زحمت ارزښت نه لري یوازې هغه کسانو ته ترفیع ورکوی چې چاپلوسي کوي.
رئیس پوهیدو چې فیاض له کلونو راهیسي ډير سخت کار کوي او زحمت اوباسي خو ددې لپاره چې فیاض سره مرسته وکړي تر څو د خپل ځان او رحیم تر منځ په توپیر پوه شي، رئیس فیاض ته وویل چې ښار ته لاړ شه او وګوره چې ایا هندواڼې شته؟
فیاض لاړ او بیرته راغی ویل یې هو شته. رئیس ترې پوښتنه وکړه چې هندواڼې کیلو په څو دي؟ فیاض بیرته ښار ته لاړ چې پوښتنه وکړي بیرته راغی او ویې ویل چې کیلو په ۱۲ افغانۍ.
رئیس فیاض ته وویل چې زه اوس همدا پوښتنه له رحیم څخه کوم، له رحیم څخه یې پوښتنه وکړه او رحیم ښار ته لاړو او څو شیبې وروسته بیرته راغی او رئیس ته یې وویل چې په ښار کې یوازې یو نفر هندواڼې خرڅوي کیلو په ۱۲ افغانۍ او لس کیلو بیا په ۱۰۰ افغانۍ یعنې که لس کیلو اخلی بیا کیلو په لس افغانۍ هغه ۳۴۰ هندوانې لري. په میز یې ۵۸ هندواڼې ایښې دي هره هندواڼه ۱۵ کیلو وزن لري د هیواد له جنوب څخه یې دوه ورځې مخکې راوړی دي هغه تازه او سرې دي او کیفیت یې ښه دی.
فیاض له رحیم څخه ډیر متاثره شوی وو او توپیر یې درک کړی وو، او پریکړه یې وکړه چې استعفا به نه ورکوي بلکې له رحیم څخه به زده کړه کوي.
ګرانو دوستانو ډير بریالی کسان هغه دي چې هر څه ته ډېر پام کوي فکر ډیر کوي او ژوره پوهه تر لاسه کوي، ډېر بریالي کسان په مخکې پراته راتلونکي څو کلونه ویني کله چې ته یوازې سبا وینئ، د یوې ورځې او یو کال تر منځ ۳۶۵ ځلې فرق دی، نو څنګه به یې ترې وګټی؟
فکر وکړئ! په خپل ژوند کې څومره لیرې لیدلی شئ؟ په فکر کې څومره ژوروالی لرئ؟

[/pukhto]